លោក ឈុន សុវណ្ណភក្តី ផ្ដល់ប្រាក់២០០ដុល្លារដល់លោក ប្រុក ចាន់ថន (រូបភាពពីហ្វេសប៊ុកលោក ឈុន សុវណ្ណភក្តី)
ជារឿងមិនគួរឲ្យជឿដែលអ្នកចម្រៀងពិការភ្នែកទាំងសងខាង លោក ប្រុក ចាន់ថន ត្រូវបានផលិតកម្មថ្មី BKS ទទួលឲ្យច្រៀងក្នុងកិច្ចសន្យា។ លោកជាបេក្ខជនប្រឡងចម្រៀង ដែលបានធ្លាក់ចេញពីកម្មវិធី The Voice របស់ស្ថានីយ៍ទូរទស្សន៍ហង្សមាសកាលពីដើមខែសីហា ដែលកាលណោះ មានមហាជនច្រើនគួរសមសម្ដែងការចាប់អារម្មណ៍។
លោក ឈុន សុវណ្ណភក្កី អ្នកចាត់ការទូទៅប្រចាំផលិតកម្ម BKS ឬ Best Khmer Sound ដែលជាផលិតកម្មចម្រៀងទើបបើកថ្មីមួយ ប្រាប់VODថា ផលិតកម្មរបស់លោកបានទទួលយក លោកប្រុក ចាន់ថន ឲ្យធ្វើតារាចម្រៀងពេញសិទ្ធិហើយ «គ្រាន់តែបានឃើញគាត់ (ប្រុក ចាន់ថន) ខ្ញុំអាណិតគាត់ ពេញចិត្តសំឡេងគាត់ ទើបខ្ញុំបង្ហោះលើ Facebook ឲ្យអ្នកស្គាល់គាត់callមកខ្ញុំ ហើយនៅពេលដែលបានជួបគាត់ ទើបដឹងថាគាត់ច្រៀងបទសម័យក៏ពិរោះដែរ»។
លោក ឈុន សុវណ្ណភក្កី បន្តថា ផលិតកម្មរបស់លោក បានសម្រេចផ្ដល់កិច្ចសន្យា២ឆ្នាំឲ្យលោក ប្រុក ចាន់ថន ឲ្យធ្វើជាតារាចម្រៀង។ យ៉ាងណាក៏ដោយលោក ប្រុក ចាន់ថន នឹងមានតែមួយបទប៉ុណ្ណោះ សម្រាប់CDបើកឆាក ដោយសារតែវ៉ុលទី១ដែលគ្រោងចេញឲ្យទាន់នៅចុងខែសីហានេះ ឬដើមខែក្រោយ ខាងផលិតកម្មបានរៀបចំបទចម្រៀងពេញអស់ហើយ ។
អ្នកចាត់ការ ដែលមានជំនាញនិពន្ធ និងសម្រូលតន្ត្រីរូបនេះនិយាយថា «ខ្ញុំមានជំនឿថា BKS នឹងធ្វើឲ្យបង ចាន់ថន ល្បីឈ្មោះព្រោះទី១គាត់ជាជនពិការដែលមានសំឡេងល្អ ទី២ផលិតកម្មរបស់ខ្ញុំមានគោលការណ៍ផលិតតែបទថ្មីសុទ្ធសាធ អត់ចម្លងបទគេ ទី៣យើងមានស្ទូឌីយោ(Studio)ខ្លួនឯង សម្ភារទំនើបខ្លួនឯង អត់ភ័យរឿងជួលគេនាំឲ្យក្ស័យធន និងទី៤ យើងបានត្រៀមរួចជាស្រេច ដើម្បីពង្រាយតារារបស់យើងឲ្យបានឡើងឆាក»។
បន្ថែមពីលើការផ្ដល់ឱកាសឲ្យច្រៀងប្រចាំផលិតកម្ម លោកឈុន សុវណ្ណភក្តី ក៏បានផ្ដល់ទឹកប្រាក់ចំនួន២០០ដុល្លារឲ្យលោក ប្រុក ចាន់ថន ផងដែរ ព្រោះតែការអាណិតអាសូរ។ លោកអះអាងថា ការសម្រេចឲ្យលោក ប្រុក ចាន់ថន ក្លាយជាតារាចម្រៀងប្រចាំផលិតកម្មគឺដើម្បីឲ្យជនពិការដែលមានទេពកោសល្យម្នាក់អាចឈានដល់គោលដៅ។ តំណាងBKS និយាយថា បន្ទាប់ពីចេញមួយបទនៅវ៉ុលទី១ លោកប្រុក ចាន់ថន នឹងមាន២ទៅ៣បទ សម្រាប់វ៉ុលបន្តបន្ទាប់។
ជួបជាមួយសាមីខ្លួនតាមទូរស័ព្ទពីខេត្តកំពង់ចាម លោក ប្រុក ចាន់ថន និយាយថា លោករំភើបហួសនឹងថ្លែង ដែលខាងផលិតកម្ម BKS ផ្ដល់ឱកាសឲ្យក្លាយជាតារាចម្រៀង។ ក្នុងនាមជាអ្នកចម្រៀងមួយរូបប្រចាំនៅក្នុងរង្គសាល«តន្ត្រីរាត្រីជួប»នៅទីរួមខេត្តកំពង់ចាមផង លោកបញ្ជាក់ថា នេះជាក្ដីស្រមៃដ៏ធំដែលលោកមិនធ្លាប់គិត ពិសេសចាប់តាំងពីបានធ្លាក់ចេញពីកម្មវិធី The Voice នៅហង្សមាស។ យ៉ាងណាក៏ដោយ លោកមិនហ៊ានរំពឹងថាអាចល្បីខ្លាំងក្លានោះឡើយ នៅលើវិថីសិល្បៈ ដោយគិតថាលោកគ្រាន់តែជាជនពិកាម្នាក់។
Title
ឱក សុគន្ធកញ្ញា ខ្លាចមានកំហុសទៀត
ទឹម រដ្ឋា បើកដៃឲ្យគូស្នេហ៍ក្បត់ចិត្ត
ម៉េង កែវពេជ្ជតា មិនអន់ចិត្តរឿងជាប់កុងត្រា
ពាក់ព័ន្ធនឹងពិការភាព បុរសវ័យ១៨ឆ្នាំរូបនេះអះអាងថា កែវភ្នែកទាំងសងខាងរបស់លោក មានភាពស្រវាំងងងឹតតាំងពីកំណើតម្ល៉េះ ប៉ុន្តែដោយសារកើតជម្ងឺពិសកុក ដែលគ្រួសារលោកមិនមានលទ្ធភាពព្យាបាលទាន់ពេលនោះផង ទើបធ្វើឲ្យមើលមិនឃើញ។ មកទល់ពេលនេះ ក្រោមការជ្រោមជ្រែងពីក្រុមអង្គការ លោកអាចមើលឃើញព្រិលខ្លះៗមកវិញហើយ ដូចជាមើលដឹងថា ជាពណ៌អី ឬដឹងថាមានអ្វីស្ទុងៗនៅខាងមុខ។
លោក ប្រុក ចាន់ថន ជាកូនទី៧ ក្នុងចំណោមបងប្អូន៨នាក់ ដែលមានឪពុក និងម្ដាយវ័យជរា ហើយមិនមានជីវភាពធូរធារប៉ុន្មានឡើយនៅស្រុកកោះសុទិន។ លោកកំពុងស្នាក់នៅអង្គការគ្រួសារថ្មីប្រចាំខេត្តកំពង់ចាម ទើបបញ្ចប់ថ្នាក់ទី១១ផ្នែកអក្សរស្ទាប។ លោកក៏ត្រូវបានបញ្ជូនឲ្យចូលរៀនក្នុងវិទ្យាល័យព្រះសីហនុជាមួយសិស្សធម្មតាមួយពេលៗផងដែរ ដើម្បីអាចប្រឡងថ្នាក់ទី១២នៅឆ្នាំក្រោយបាន ។ មុនបង្ហាញមុខក្នុងកម្មវិធី The Voice លោកប្រឡូកច្រៀងក្នុងវង់អកកេស និងច្រៀងប្រចាំហាងដែលបានរៀបរាប់ប្រហែលជា៥ឆ្នាំហើយ ៕
ជនពិការភ្នែកនៅ The Voice ក្លាយជាអ្នកចម្រៀងជាប់កុងត្រានៅផលិតកម្មថ្មី
លោក ឈុន សុវណ្ណភក្តី ផ្ដល់ប្រាក់២០០ដុល្លារដល់លោក ប្រុក ចាន់ថន (រូបភាពពីហ្វេសប៊ុកលោក ឈុន សុវណ្ណភក្តី)
ជារឿងមិនគួរឲ្យជឿដែលអ្នកចម្រៀងពិការភ្នែកទាំងសងខាង លោក ប្រុក ចាន់ថន ត្រូវបានផលិតកម្មថ្មី BKS ទទួលឲ្យច្រៀងក្នុងកិច្ចសន្យា។ លោកជាបេក្ខជនប្រឡងចម្រៀង ដែលបានធ្លាក់ចេញពីកម្មវិធី The Voice របស់ស្ថានីយ៍ទូរទស្សន៍ហង្សមាសកាលពីដើមខែសីហា ដែលកាលណោះ មានមហាជនច្រើនគួរសមសម្ដែងការចាប់អារម្មណ៍។
លោក ឈុន សុវណ្ណភក្កី អ្នកចាត់ការទូទៅប្រចាំផលិតកម្ម BKS ឬ Best Khmer Sound ដែលជាផលិតកម្មចម្រៀងទើបបើកថ្មីមួយ ប្រាប់VODថា ផលិតកម្មរបស់លោកបានទទួលយក លោកប្រុក ចាន់ថន ឲ្យធ្វើតារាចម្រៀងពេញសិទ្ធិហើយ «គ្រាន់តែបានឃើញគាត់ (ប្រុក ចាន់ថន) ខ្ញុំអាណិតគាត់ ពេញចិត្តសំឡេងគាត់ ទើបខ្ញុំបង្ហោះលើ Facebook ឲ្យអ្នកស្គាល់គាត់callមកខ្ញុំ ហើយនៅពេលដែលបានជួបគាត់ ទើបដឹងថាគាត់ច្រៀងបទសម័យក៏ពិរោះដែរ»។
លោក ឈុន សុវណ្ណភក្កី បន្តថា ផលិតកម្មរបស់លោក បានសម្រេចផ្ដល់កិច្ចសន្យា២ឆ្នាំឲ្យលោក ប្រុក ចាន់ថន ឲ្យធ្វើជាតារាចម្រៀង។ យ៉ាងណាក៏ដោយលោក ប្រុក ចាន់ថន នឹងមានតែមួយបទប៉ុណ្ណោះ សម្រាប់CDបើកឆាក ដោយសារតែវ៉ុលទី១ដែលគ្រោងចេញឲ្យទាន់នៅចុងខែសីហានេះ ឬដើមខែក្រោយ ខាងផលិតកម្មបានរៀបចំបទចម្រៀងពេញអស់ហើយ ។
អ្នកចាត់ការ ដែលមានជំនាញនិពន្ធ និងសម្រូលតន្ត្រីរូបនេះនិយាយថា «ខ្ញុំមានជំនឿថា BKS នឹងធ្វើឲ្យបង ចាន់ថន ល្បីឈ្មោះព្រោះទី១គាត់ជាជនពិការដែលមានសំឡេងល្អ ទី២ផលិតកម្មរបស់ខ្ញុំមានគោលការណ៍ផលិតតែបទថ្មីសុទ្ធសាធ អត់ចម្លងបទគេ ទី៣យើងមានស្ទូឌីយោ(Studio)ខ្លួនឯង សម្ភារទំនើបខ្លួនឯង អត់ភ័យរឿងជួលគេនាំឲ្យក្ស័យធន និងទី៤ យើងបានត្រៀមរួចជាស្រេច ដើម្បីពង្រាយតារារបស់យើងឲ្យបានឡើងឆាក»។
បន្ថែមពីលើការផ្ដល់ឱកាសឲ្យច្រៀងប្រចាំផលិតកម្ម លោកឈុន សុវណ្ណភក្តី ក៏បានផ្ដល់ទឹកប្រាក់ចំនួន២០០ដុល្លារឲ្យលោក ប្រុក ចាន់ថន ផងដែរ ព្រោះតែការអាណិតអាសូរ។ លោកអះអាងថា ការសម្រេចឲ្យលោក ប្រុក ចាន់ថន ក្លាយជាតារាចម្រៀងប្រចាំផលិតកម្មគឺដើម្បីឲ្យជនពិការដែលមានទេពកោសល្យម្នាក់អាចឈានដល់គោលដៅ។ តំណាងBKS និយាយថា បន្ទាប់ពីចេញមួយបទនៅវ៉ុលទី១ លោកប្រុក ចាន់ថន នឹងមាន២ទៅ៣បទ សម្រាប់វ៉ុលបន្តបន្ទាប់។
ជួបជាមួយសាមីខ្លួនតាមទូរស័ព្ទពីខេត្តកំពង់ចាម លោក ប្រុក ចាន់ថន និយាយថា លោករំភើបហួសនឹងថ្លែង ដែលខាងផលិតកម្ម BKS ផ្ដល់ឱកាសឲ្យក្លាយជាតារាចម្រៀង។ ក្នុងនាមជាអ្នកចម្រៀងមួយរូបប្រចាំនៅក្នុងរង្គសាល«តន្ត្រីរាត្រីជួប»នៅទីរួមខេត្តកំពង់ចាមផង លោកបញ្ជាក់ថា នេះជាក្ដីស្រមៃដ៏ធំដែលលោកមិនធ្លាប់គិត ពិសេសចាប់តាំងពីបានធ្លាក់ចេញពីកម្មវិធី The Voice នៅហង្សមាស។ យ៉ាងណាក៏ដោយ លោកមិនហ៊ានរំពឹងថាអាចល្បីខ្លាំងក្លានោះឡើយ នៅលើវិថីសិល្បៈ ដោយគិតថាលោកគ្រាន់តែជាជនពិកាម្នាក់។
Title
ឱក សុគន្ធកញ្ញា ខ្លាចមានកំហុសទៀត
ទឹម រដ្ឋា បើកដៃឲ្យគូស្នេហ៍ក្បត់ចិត្ត
ម៉េង កែវពេជ្ជតា មិនអន់ចិត្តរឿងជាប់កុងត្រា
ពាក់ព័ន្ធនឹងពិការភាព បុរសវ័យ១៨ឆ្នាំរូបនេះអះអាងថា កែវភ្នែកទាំងសងខាងរបស់លោក មានភាពស្រវាំងងងឹតតាំងពីកំណើតម្ល៉េះ ប៉ុន្តែដោយសារកើតជម្ងឺពិសកុក ដែលគ្រួសារលោកមិនមានលទ្ធភាពព្យាបាលទាន់ពេលនោះផង ទើបធ្វើឲ្យមើលមិនឃើញ។ មកទល់ពេលនេះ ក្រោមការជ្រោមជ្រែងពីក្រុមអង្គការ លោកអាចមើលឃើញព្រិលខ្លះៗមកវិញហើយ ដូចជាមើលដឹងថា ជាពណ៌អី ឬដឹងថាមានអ្វីស្ទុងៗនៅខាងមុខ។
លោក ប្រុក ចាន់ថន ជាកូនទី៧ ក្នុងចំណោមបងប្អូន៨នាក់ ដែលមានឪពុក និងម្ដាយវ័យជរា ហើយមិនមានជីវភាពធូរធារប៉ុន្មានឡើយនៅស្រុកកោះសុទិន។ លោកកំពុងស្នាក់នៅអង្គការគ្រួសារថ្មីប្រចាំខេត្តកំពង់ចាម ទើបបញ្ចប់ថ្នាក់ទី១១ផ្នែកអក្សរស្ទាប។ លោកក៏ត្រូវបានបញ្ជូនឲ្យចូលរៀនក្នុងវិទ្យាល័យព្រះសីហនុជាមួយសិស្សធម្មតាមួយពេលៗផងដែរ ដើម្បីអាចប្រឡងថ្នាក់ទី១២នៅឆ្នាំក្រោយបាន ។ មុនបង្ហាញមុខក្នុងកម្មវិធី The Voice លោកប្រឡូកច្រៀងក្នុងវង់អកកេស និងច្រៀងប្រចាំហាងដែលបានរៀបរាប់ប្រហែលជា៥ឆ្នាំហើយ ៕