.jpg)
រតនគិរី: យុវជនម្នាក់ ជាជាងផ្សាដែក បានរងរបួសធ្ងន់ធ្ងរ ខណ:កំពុងលើកដែកឡើងផ្សារដំបូលផ្ទះ ដែលមានកំពស់ប្រមាណជាង ១០ ម៉ែត្រ ក៏ប៉ះនឹងខ្សែភ្លើង ឆក់ធ្លាក់មកក្រោម កាលពីម៉ោងប្រមាណជា ៩ ព្រឹក ថ្ងៃទី៧ ខែសីហា ឆ្នាំ២០១៤ ស្ថិតនៅចំណុចមុខមន្ទីរសង្គមកិច្ច ក្នុងភូមិអូររមៀត សង្កាត់ឡាបាសៀក ក្រុងបានលុង។
សមត្ថកិច្ចបានឲ្យដឹងថា ជនរងគ្រោះមានឈ្មោះ ឡុង អាយុ ២០ ឆ្នាំ ជាកម្មកររស់នៅជាមួយថៅកែឈ្មោះ សៀង ឈុនអៀង នៅភូមិកើតហេតុខាងលើ។
ប្រភពដដែលបានប្រាប់ឲ្យដឹងថា មុនពេលកើតហេតុ គឺជនរងគ្រោះខាងលើ បានឡើងទៅផ្សាដំបូលផ្ទះ ធ្វើអំពីថ្មក្រោម ដំបូលដែក ហើយក៏លើកដែកទៅប៉ះនឹងខ្សែភ្លើងបណ្តាលឲ្យឆក់ធ្លាក់មកក្រោមរងរបួសធ្ងន់។ ក្រោយពីកើត ហេតុភ្លាម អ្នករួមការងារ និងប្រជាពលរដ្ឋ ដែលនៅក្បែរនោះ នាំគ្នាមកជួយលើក យកជនរងគ្រោះទៅកប់ដីខ្សាច់ និងបញ្ជូនទៅកាន់មន្ទីរពេទ្យ៕