កំពត ៖ ផ្លូវមួយខ្សែកំពុងរងការខូចខាត និងខ្ទេចខ្ទីយ៉ាងធ្ងន់ធ្ងរដោយសារតែមានរថយន្តធំៗ និងរថយន្តដឹកលើសកំណាត់ឆ្លងកាត់ដោយគ្មានអាជ្ញាធរសមត្ថកិច្ចពាក់ព័ន្ធណាមើលឃើញឡើយ។
បើតាមការឲ្យដឹងពីប្រជាពលរដ្ឋដែលរស់នៅទីនោះបានប្រាប់កម្ពុជាថ្មី ថាផ្លូវមួយខ្សែនេះមានប្រវែងមួយគីឡូម៉ែត្រដែលស្ថិតនៅខាងកើតជាប់មន្ទីរសាធារណការ និងដឹកជញ្ជូនស្ថិតនៅក្នុងភូមិក្រាំងសង្កាត់ក្រាំងអំពិលក្រុងកំពត ខេត្តកំពត។
តាមប្រជាពលរដ្ឋខាងលើបានឲ្យដឹងទៀតថា ផ្លូវមួយខ្សែនេះបានរងការខូចខាតយូរឆ្នាំណាស់មកហើយតាំងពីខូចខាតតិចតួចរហូតមកដល់ខូចខាតធ្ងន់ធ្ងរដូចមើលឃើញជាក់ស្ដែង គួរតែអាជ្ញាធរខេត្ត និងមន្ទីរសាធារណការមានវិធានការ និងជួសជុលឡើងវិញកុំឲ្យខូចខាតកាន់តែខ្លាំង ឡើងថែមទៀត។
ជុំវិញការរិះគនខាងលើនេះលោកស៊ូ យុទ្ធចៅសង្កាត់ក្រាំងអំពិលបានឲ្យដឹងថា ផ្លូវនេះលោកចៅហ្វាយខេត្តបានមានប្រសាសន៍សុំទោសប្រជាពលរដ្ឋម្ដងរួចមកហើយដោយសារតែគម្រោងកាលពីឆ្នាំ២០១៣ត្រូវធ្វើផ្លូវហ្នឹងឲ្យហើយ តែលុយថ្នាក់ជាតិគេទៅជួយគ្រោះទឹកជំនន់អញ្ចឹងទៅអត់បានជួសជុល។ នៅឆ្នាំ២០១៤គាត់ថាធ្វើនៅដើមឆ្នាំតែឥឡូវចូលដល់ខែ៨ជិតចុងឆ្នាំទៀតហើយ។
លោកបន្តថា កាលពីថ្ងៃមុនគាត់ប្រាប់ខ្ញុំថាសុំទោសម្ដងទៀតលុយដែលស្នើសុំយកមកធ្វើហ្នឹងបានហើយតែប្រហែលជាខែ៩ ឬខែ១០ទើបធ្វើ។
លោក លឹម សំបូរប្រធានមន្ទីរសាធារណការ និងដឹកជញ្ជូនបានឲ្យដឹងថា ផ្លូវនេះគេកំពុងចាប់ ផ្តើមដាក់លូចាក់បេតុង៕
ផ្លូវមួយខ្សែកណ្តាលក្រុងកំពតត្រូវបានខូចខាតទាំងស្រុងគ្មានអាជ្ញាធរ និងសមត្ថកិច្ចមើលឃើញឡើយ
កំពត ៖ ផ្លូវមួយខ្សែកំពុងរងការខូចខាត និងខ្ទេចខ្ទីយ៉ាងធ្ងន់ធ្ងរដោយសារតែមានរថយន្តធំៗ និងរថយន្តដឹកលើសកំណាត់ឆ្លងកាត់ដោយគ្មានអាជ្ញាធរសមត្ថកិច្ចពាក់ព័ន្ធណាមើលឃើញឡើយ។
បើតាមការឲ្យដឹងពីប្រជាពលរដ្ឋដែលរស់នៅទីនោះបានប្រាប់កម្ពុជាថ្មី ថាផ្លូវមួយខ្សែនេះមានប្រវែងមួយគីឡូម៉ែត្រដែលស្ថិតនៅខាងកើតជាប់មន្ទីរសាធារណការ និងដឹកជញ្ជូនស្ថិតនៅក្នុងភូមិក្រាំងសង្កាត់ក្រាំងអំពិលក្រុងកំពត ខេត្តកំពត។
តាមប្រជាពលរដ្ឋខាងលើបានឲ្យដឹងទៀតថា ផ្លូវមួយខ្សែនេះបានរងការខូចខាតយូរឆ្នាំណាស់មកហើយតាំងពីខូចខាតតិចតួចរហូតមកដល់ខូចខាតធ្ងន់ធ្ងរដូចមើលឃើញជាក់ស្ដែង គួរតែអាជ្ញាធរខេត្ត និងមន្ទីរសាធារណការមានវិធានការ និងជួសជុលឡើងវិញកុំឲ្យខូចខាតកាន់តែខ្លាំង ឡើងថែមទៀត។
ជុំវិញការរិះគនខាងលើនេះលោកស៊ូ យុទ្ធចៅសង្កាត់ក្រាំងអំពិលបានឲ្យដឹងថា ផ្លូវនេះលោកចៅហ្វាយខេត្តបានមានប្រសាសន៍សុំទោសប្រជាពលរដ្ឋម្ដងរួចមកហើយដោយសារតែគម្រោងកាលពីឆ្នាំ២០១៣ត្រូវធ្វើផ្លូវហ្នឹងឲ្យហើយ តែលុយថ្នាក់ជាតិគេទៅជួយគ្រោះទឹកជំនន់អញ្ចឹងទៅអត់បានជួសជុល។ នៅឆ្នាំ២០១៤គាត់ថាធ្វើនៅដើមឆ្នាំតែឥឡូវចូលដល់ខែ៨ជិតចុងឆ្នាំទៀតហើយ។
លោកបន្តថា កាលពីថ្ងៃមុនគាត់ប្រាប់ខ្ញុំថាសុំទោសម្ដងទៀតលុយដែលស្នើសុំយកមកធ្វើហ្នឹងបានហើយតែប្រហែលជាខែ៩ ឬខែ១០ទើបធ្វើ។
លោក លឹម សំបូរប្រធានមន្ទីរសាធារណការ និងដឹកជញ្ជូនបានឲ្យដឹងថា ផ្លូវនេះគេកំពុងចាប់ ផ្តើមដាក់លូចាក់បេតុង៕