ស្វាយរៀង: ជនសង្ស័យ ២ នាក់ ត្រូវសមត្ថកិច្ចចាប់ខ្លួនពីបទជួញដូរ និងប្រើប្រាស់គ្រឿងញៀន កាលពីថ្ងៃទី១ ខែសីហា ឆ្នាំ២០១៤ វេលាម៉ោង ១០ យប់ នៅភូមិបាវិតកណ្តាល សង្កាត់បាវិត ក្រុងបាវិត។ សមត្ថកិច្ច ចាប់បានភស្តុតាងមានថ្នាំញៀនម៉ា មេតំហ្វេតាមីន ចំនួន ២០ កញ្ចប់ និងគ្រាប់កាំភ្លើងវែងខ្លី ចំនួន ៩គ្រាប់។
លោកវរៈសេនីយ៍ទោ កាន កេន នាយការិយាល័យប្រឆាំងគ្រឿងញៀន នៃស្នងការនគរបាលខេត្តស្វាយរៀង បានប្រាប់ឲ្យដឹងថា ជនសង្ស័យទី១ មានឈ្មោះ យ៉ាន់ វីរ៉ា ភេទប្រុសអាយុ ៣៤ឆ្នាំ មានទីលំនៅភូមិកាបូល រាជធានីភ្នំពេញ បានមកធ្វើសកម្មភាពជួញដូរចែកចាយគ្រឿងញៀននៅក្រុងបាវិតក៏ត្រូវសមត្ថកិច្ចចាប់ឃាត់ខ្លួនបានហើយឆែកឆេរកឃើញថ្នាំញៀនម៉ាកមេតំហ្វេតាមី៩កញ្ចប់ធំ១១កញ្ចប់តូចសរុប២០កញ្ចប់ស្មើ ០,០៧៩៧ ក្រាម។
ក្រោយពីសាកសួរ ជនសង្ស័យក៏បានសារភាពឈានចាប់ខ្លនជនសង្ស័យម្នាក់ទៀតឈ្មោះ ប៉ុន ហេង ភេទប្រុស អាយុ២៩ឆ្នាំ មានទីលំនៅភូមិ៩ សង្កាត់ទួលស្វាយព្រៃ២ ខណ្ឌចំការមន រាជធានីភ្នំពេញ ចាប់ឃាត់ខ្លួនបាននៅថ្ងៃ២ខែសីហាឆ្នាំ២១០៤វេលាម៉ោង១០:៤៥នាទីព្រឹក។
សមត្ថកិច្ចបន្តទៀតថា ក្រោយពីឃាត់ខ្លួនសាកសួរជនសង្ស័យក៏បានសារភាពសមត្ថកិច្ច ក៏បានកសាងសំណុំរឿងទៅសាលាដំបូងខេត្តស្វាយរៀងចាត់ការតាមនិតិវិធីច្បាប់ និងចេញដីកាឃុំខ្លួនបណ្តោះអាសន្ន នៅថ្ងៃទី៤ ខែសីហា ឆ្នាំ២០១៤ វេលាម៉ោង ៥ ល្ងាច នៅពន្ធនាគាខេត្តស្វាយរៀង៕